جولتي بمحل بونت روما بحضور سارة الكريديس ♥

السلام عليكم كيفكم ان شاءالله تكونو بخير
ايفنت بونت روما بوجود الحبوبه سارة الكريديس استمعت بشوفتها الي بتحصلها فرصة تشوفها لا تتردد و هذا اكاونتها
بالانستغرام @sarah.alkraideesكانت جولتي مع صديقتي عبير كانت معايا و اخترنا الي حسينا انو مناسب
المحل كان متنوع من حيث اللوكات و كمان انو المحل يخدم الي مقاساتهم كبيرة و توصل المقاسات الى 54 و كمان
انو أقمشة بونت روما ماتسبب حساسية او تعرق للي يشتكون من هذي النقطة

لما شفتو قلت راح الشتاء ليش يحطو شي بصوف بس طلع خفيف و حلو ومع جينز غامق و بوت رياضه بيطلع لوك كاجول 

 هذا حسيتو هادي وجميل مع سلسال هادي و حلق بسيط بس نلبس اساور كثيره و نلعب بالوان الاساور و بنطلون فاتح و ندخل
القطعه من قدام بس من ورا نخليها طالعه و بامكانك تلبسي كعب او فلات حيطلع روعه 

لاحظت عندهم تنوع كبير في الاهداب تكون من تحت مره كثيره و مره شوي و من عند اليد 

هذا وقعت بغرامه حسيتو حلو لصيف او لاستراحات مع قميص ابيض و صندل 

هذا حسيتو مناسب لبنات الجامعة الديتلز من الاكتاف عجبتني 

التيشرتات عجبتني خامتهم و انهم خفيفين و ينفعو لصيفنا طبعا ما اقولكم عن صيفنا و حلوه للبيت كمان 

عجبني بترينقاتهم خامتها خفيفه و اسعارها مناسبه 

مره عجبني هذا الجكيت و كمان جلد مره كان نفسي بشي جلد بس جابو اصغر مقاس و طلع واسع علي 

عاد هذا هو يتكلم و لونو زيتي خلاص دخنا عنده عاد مع اكسسوارات ذهبية الله على الجمال 

و هذا قسم الاكسسورات 

السكارفات كانت متنوعه من مشجر و ساده 

شوزاتهم حسيتها اقرب لستايل الكلاسيكي
وبس هذي كانت جولتنا بمحل بونت روما اتمنى تكون عجبتكم الجولة
يوم سعيد